লীহৌদরবা ৱারী

                  লীহৌদরবা ৱারী

ঐহাক আসামগী পিকলবা  হোজাই হাইবা সহর মচা অমদা পোকচবনি।ইমা ইপান পোকপিবদ ইচিন-ইনাও মঙানি। ঐহাকনা অহুম শুবনি।ইয়ামবা অহন অমদি ইচে ইবেমা মখোয়দি হানাদগী গুৱাহাটী ইনেগীদা লৈখরবনি। য়ুমদি হোজাই সহর মচা অদুগী মনুংদনি হায়বা যাই।হোজাইগী অতোপ্পা মীতৈমচাগুম ঐহাকসু আসামীছ মেডীয়ামগী স্কুল অমদা মীঙ চণবীখি। হাইরিবা ৱারীসে ১৯৬৪-৬৫গী ৱারীনি। পনবা য়াই অদুদি হোজাই হায়বা মফম অসিদা মীতৈ খুঙগঙ ৩২রোম লৈ। মীসিংদি  লাখ অমারোম ওইরমবা যায়।ঐহাকপু পোকপিবা ইপাদি ফী টুবগী শিনফমদ লৈবিরমমী।ফী টুবদা হোজাইগী মীয়োই খুদিংমকন শোনবা মীয়োই অমসু ওইরমী।। ইমুংমনুঙগী ওইনা লাইবক থীবদি,ইপাদো‌ জুৱার য়াম্না পামজবা মীওই অম ওইরম্মী।মশাগী শিনফমবুদি জুৱারন হেন্না থৱায় যাওরমমী। নোংমা নোংমগী ওইনা ইমুং মনুংগী শেল থুমগী ফিবম শোকপা হৌরকই। ঐবু পোকপিবা পলেম ইমাদো য়াম্না ৱাজখী। ঐহাকনা ক্লাস ৫-৬ তমলকপদ ইমুং মনুংগী শেল থুমগী ফিবম শোকপদ খম থেংখি। ইমুং মনুংগী ফীভম শোকচলকপদ হোজাইগী যোগীজান হায়বা খুঙ্গংদা লৌ উবা চৎখি।চহী অহুম লৌ উবদা মায় পাকপা ঙমখিদে। চহী অমনা লৌদা টীণ তাবা, চহী অমনা নোং কাংবা,মথঙ চহীনা ইশিঙ ইচাউবা।অসুমন লাইবকনসু মতেং পাংখিদে।নোংমা নোংমগী পুথবা হায়বদো ওইখি। পাবাদি কয়া অৱাবা হাইবদো উখিদে।পেলেম ইমাদি নুঙাইফম খঙখিদে। মচাশিংসে চারা হেনখিদরা হাইবগী চিন্তান কোকলুম লুথোঙ ফাখী।ফীভমনা  যারকতবন অটোপা পাম্বেই থিবা হৌরকই।  ঐহাক স্কুল কাবোই কাদাবোইনি।  নোংমদি ইমান হাইরকই।  ঐখোয় য়ুম হোঙবা তারে।  খঙহৌদন লৱাইদ ব্রজ তাগুমখি।  ্ য়ূমহঙ তোইরগা লাইর তালি হাইনবদো চূমখি। হন্দক অমূক কদোমদা ? য়াম্না হঙনীংদবা ৱাহঙনি।  অদূবু খঙদবদি য়াখিদে।মতমদুদা ঐহাক ক্লাস ৮ কারে। লাইরবগী মেইসাদ লাইরিক কোক্ত  চঙখীদে।হনদক্তি Upper আসাম গী ফাউরবা থাও থোকফম  নাহারকাটিয়া হাইবা মফম অদুদনি। নোংমা ইখঙ খঙহৌদনা ঐখোয় পুম্নমক সাংলাবা রেল গাড়ী অমদ হোজাই রেল স্টেশনদগী নাহারকাটিয়া পাঙন রেল গাড়ী তোঙদুনা চতখি। রেল গাড়ী অদুনা অমম্বা অহিং অদুদ খোঙ খোঙদুনা অমমবদা চঙসিনখি।......................................মথঙ মথঙ (নাহরকটীয়াগী তাঙকক)

                                                                                                                                                                                                                                                                                           খেমাময়ুম দিলীপ 
  অনিসুবা তাংকক
নাহরকাটিয়াদা-গুরুকুল  অমসুং  কর্মকুল  ?  মথংগী নুমিৎ অয়ুক পুং ১১ তাবদ নাহরকাটিয়া য়ৌওখি।মীতৈনা লৈবা খুঙগঙনি হায়বদো ঐহাক খঙবা ঙমলমদে । নাহরকাটিয়া শহর দগী কিলোমিটার ৫ রোম ওইগনি ঐখোয়না থুঙলুরিবা মফমদো, জয়পুর কৌই। মফমদুদ মীতৈ য়ুমনাক ১২/১৩ লৈরম্মী। লৈরিবা মীতেই পূম্নমক্কী শেনদাং  লম্বেনদি মরুওইনা চেমপাক শুবনী, য়ূম অমা অনিদি ইমফাল রোমগী ড্রাইভার ওইবা যাওরি । চেমপাক ফজন শুনেই অয়ুক পুং ৪ দগি নুমিদাং পুং ৮ ফাওবদি অয়াম্বন শুনেই। ঐখোয়শু মফমসিদা চেমপাক সুবা লাকপা ওরমলে। চেম্পাক সুবগী সিনফম অসি কায়ামূক  ৱাবগে, ঐহাক হন্না খঙলমদে। কিলোমিটার ৪-৫ লাপনা লৈবা আসামিস খুনগংশিঙ দগী ফৌ ৱাল্লুরগা  চাইকলনা  ফৌ মোণ ৩-৪ ইন্দুনা য়ূম ফাউবা পোরকলগা, টুরেন লান্ন পোরকপসু য়াওরে, য়ুমদা অমুক সেংনা খপলগা ,নুমিদাং ফৌ অদো চাঙ নাইন ফুটটুনা নোংঙানলগা ডেঙ্গিডা সুবনি।হৌজিক্কী মেশিননা য়াম্না সম্না শুবা চেম্পাক অদো নতে।           খরনিদি ঐখোই হোজাইদগি ঐখোয়গুমন য়ূম হোঙদুনা লাকখিবা  অমুথোয় কৌবা কাকা অমগী য়ূমদা থুঙলুই।  খরনী মখোয়গী মমাং সঙ্গইদা খাজনদুনা ঐখোয় লৈরে। য়াম্না অথুবিদ ,মানকত্তা লৈবা মায়াং অমগি হিঙগোন মচি অমদ য়ূম মচা অমা শারগাঁ  টোঙাননা  লৈবা হৌখি।ঐখোয়সু চেমপাক শুবা হৌরে। ঐগী পাবসু ফৌ ৱানবা অমসুং চা বাগানগী দুকান সিংদা চেম্পাক তাইবা চতপা হৌরে। অহানবদা কাকা আমুথোয়না লমজিংবিদুনা পুনমক তাকপীখি। পাবগী ময়োঙদ অহোংবা অমা উখি।য়়ুমগী দায় পূবা মপা অমা ওইনা উবদা ইমান ঙমখৈ লৈতনা হারাওখি।চেমপাক শুবগী শিনফম অসিদা ঐসু  য়াওরে,ফৌ ৱানবা, চেমপাক তাইবা চতপা ,থবক খুদিঙমক্ত ঐসু যাওরে। অসুম তৌদুনা  থা ৪-৫ হৌজিনখরে। অদুবু ঐসে লাইরিক মখা তানা তাম্থখিডরা হায়বা ঙমখিদে। নোংমা ঐহাকনা ইমাদ হঙ্খী "ইমা এই স্কুল তমলরোইডরো ?"ইমান "করিগী তমলোইডোরিনো ইচাসিদি" হায়না ইমানা হায়রকপদা ঐহাক হারাউবনা ঙমখেঁই  লৈখিদে। অদুবু স্কুল দা করম্বা মমতদা মিঙ চানবীদোরিবনো খঙদে। ............ট্রান্সফার সার্টিফিকেট শু যাওরকতে। ট্রান্সফার সার্টিফিকেট গী দমক ঐহাক্কী  যোগীজানগী  মরূপ নাটুমদা চিঠি ইখড়ে। .........ঐহাক টি সি  ঙাইদুনা লৈরী। .......নোংমা মরুপ নাটুম দগী চিঠি অমা ফঙখি "স্কুলগী ডিউছ  শেংদোকপা দরকার তায়"হাইনা।ঐহাক ঙাহাক ঊঙঙী।চিঠিদ  হায়়রকপা শেণফম অদো হৌজিক পুথোকপা ঙমলোই হায়বদো ঐ খঙঙী। হৌজিক ঐ করি তৌগদবনো ?     
                           
                                                                                 মথঙ  মথঙ..প্ল্যাই উড ফ্যাক্টরীদ ,,......

---

ইকায়খুমনরব রিদ্বার খিবিকতা নোলুকচবদি ঐহাক্কী পুন্সি ৱারী অসিদা অশোয় অরানবা  য়াওরবসু খুদোমবী থিনদুনা কোমেনট পিবিরকনবগী রিকুয়েসট থমজরি।  থাগৎচরি।

অহুমশুবা তাংকক 

প্ল্যাই উড ফ্যাক্টরীদ 

যোগীজানগী মরূপ নাতুমগী চিঠি ফঙবগা ঐহাক  ট্র্যান্সফার সার্টিফিকেত গী দমক ইমা  ইপাগি পইসা ঙায়বা  য়াদে হায়না লেপলে। ঐনা শুবা যাবা থবক  অমতং ফঙলবদী? নিনিরোমগী মতুংদা ঐখোয়ন লৈরিবা হিংগন মপুগী মচা নুপা অতোম্বদো পটল দাস কৌই ,নুপাঅসি করিনো থবক অমদি  তৌরী অমুক্ত হঙ্গে হায়দুনা হ্যাংঙ্গুবদা " য়ানি, ঐখোয়গী কোম্পানীদা অঙাঙনা শুবা যাবা থবক লৈগনি।য়ানব ঙাঙনরককে" হায়না হাইবিরকপদা  থাজব ঙমখিদে। অশোমদা ইমা অমদি পাবদা ৱাফমসে খঙহনদ্রী। নুংদৱাইরম ইমাদ ৱাফম অসি হায়বদ ,ইমানা ঐবু মুন্না য়েংদুনা লৈখরে। ইমাগী মমিত্তা  ইরা চেনখি। "ইমান হাইদোরিবছে খঙদ্রে " হায়দুনা ৱা মখা তাখিদরে। নুংদাং ইমা চাক চাখিদে। ইমাগী  মায়থং উবদা ঐহাক তৌভম খঙখিদে ।পামবৈসু লৈতে।ৱাখলগী ইপোমদ তুমথখিবা খঙহৌদে। নোংঙানবগা মহৌসা চতপগুম  বুঢ়ীদিহিং তুরেলদা শিঙ লোকপ চতখি।  তুরেলদগি কারকপগা যুম হেক চঙবদ ইমান "পটল লাকলমবনি  নাহাকপু   থিরমবনী".পাও অমদি  লৈরে হাইবা খঙবা ঙমলে। পটল ঐখোয় হিংগোন মপুগী মচানি।  পটল অমুক লাকলে,ঐঙোন্দা "থবক হায়বদো তৌগে হায়রবদী হয়েং দগী তৌবা যারনি। হয়েং অয়ুক ঐগা পুং ৯ দা ফ্যাক্টরী যৌনব চতসি" ইমান মরকতা "থবক অদুবু মানা তৌবা ঙম্ব থবকরো?" পটল না "করিমতা চিংন্নবীনু ঐনা খঙন ৱারোইদবা থবক খললগ মাগী দমক ঙাঙনবনি" ইমান চিংনবা পূম্নমক পটল না শেঙদোকলমলে। পাবাদি করিঅমত্তা ঙাঙদে। অলোয়বদ পাবানা "শুদুনা হেক য়েঙলো" হায়না হায়রকপদ ঐহাক খঙবা ঙমলে অদুদি  থবকসি শুবা যারনি । 

  মথঙ নুমিত্তা পটল গা থবক কাবা হৌরে। এছিয়াগী  খ্বাইদগী চাওবা উড ক্র্যাফট প্রোডাকস হায়না খঙনবা প্ল্যা উড ফ্যাক্টরিনী। হায়রিবা প্ল্যা উড ফ্যাক্টরিসি আসাম গী মোরিওনি অমসুং নাহারকাটিয়াগি জয়পুর কৌবা মফম অসিদা লৈবনি।সুপ্রিম কোর্টগী উ কাকপা য়ারোয়  হায়বা অর্ডার অমদগি চাউরবা বিড়লা গ্রুপ কী হাইরিবা প্ল্যা উড ফ্যাক্টরি অসি হৌজিক বন্ড অইখিবনি।ঐহাক্না তৌগদড়িবা থবক,  য়াম্ লুনা খলমবনি অদু পটল না হাইবদো চুমলমলে। ঐগী লোন্দাগী নুপামচা মায়াম অমসু যাওরমলে। মখোয়দো উবদ ঐসু থৌৱাই নুঙায়। ময়েক থোকপা টিক উ অদু চে মুক পানা মেশিননা শালাইছ তৌরব মতুংদা ইঞ্চি ৪/৫ পাকনা ফজনা  ককতুন পিরকপা উ গী মানা অদু অমগা অমগা টেপ নপতুনা ্ সমজনবা অদুনি ঐহাকি থবক। অশুমনদি নোংমদা পুং ৮ শুবদা লুপা অহুম মাখায়নি। থাগী লুপা ১০৫.০০ নি।মথঙ নুমিৎশু অয়ুক পুং 9 দা থবক ..............................

.....................মথং মথং। ...............প্ল্যাই উড ফ্যাক্টরীদ গোহাই দা ওনবা অমসুং স্কুল দা মিঙ চনবা